Menu

Emergency Hotline: 0912-670-7777

Philippine Standard Time:

Catanduanes Government

AVENGERS ASSEMBLE. Pinangunahan nina Governor Joseph C. Cua at Congressman Hector S. Sanchez ang pagbibigay augmentasiyon at solusyon sa mga hinaing na idinulog ni Kap. Matthea T. Bautista ng Barangay Cavinitan, Virac sa isinagawang ‘open forum’ ng “Ugnayan sa Barangay” noong ika-10 ng Hulyo sa Catanduanes Convention Center.

 

“Kun dai nagkaigwa nin CoVid-19, siguro marinas lalo an saindang performance.”

Binigyan ng antas na “8 out of 10” ng isang barangay chairman ang kolektibong liderato nina Gov. Joseph C. Cua, Cong. Hector S. Sanchez, at TGP Representative Jose Teves Jr. sa isinagawang “Ugnayan sa Barangay” noong Hulyo 9-10.

Ayon kay Kap. Fe Aldave, ng Barangay Obi, Caramoran, wala siyang problema sa naging pamamalakad ng mga lider ngayong panahon ng pandemiya dahil nakakarating sa kani-kanilang mga barangay ang mga panukalang dapat ipatupad.

“Napaabot sa mga bara-barangay kun ano an mga programa asin guidelines na dapat ming gibuhon. Samuya, sa Barangay Obi, nakapaabot man ng tuwang nin pamahalaan,” ayon kay Aldave.

Dinagdag din niya Na may mga naipatupad na proyekto at programa ang mga lider at inaasahan niyang madadagan pa ito.

“Base sa mga saindang ipinangako, natutupad man ninda ito, asin sana ‘yung mga nakaplano pa, maidagos ito,” ayon sa kanya.

Nagpasalamat naman si Kap. Aldave sa naging epektibong paggabay ng lokal na pamahalaan sa mga barangay chairmen sa pagpapatupad ng health standards at quarantine protocols bilang mga pinuno ng Barangay Health Emergency Response Team (BHERT) Councils.

“Nai-guide kami nin marinas kun ano an mga dapat niming i-implement. ‘Yung power na naitao samuya bilang head ng BHERT, naramdaman asin nagamit nimi,” dagdag ng kapitana.

Samantala, ipinaliwanag din ng kapitana na naiintindihan niya ang naging kawalan ng presensiya ng ating mga lider nitong mga nakaraang buwan dahil sa kasalukuyang sitwasyon ng probinsiya.

“Naiintindihan ko yung absence kan satuyang mga lider ta nagka-igwa nin CoVid-19. Sa paaging ini [Ugnayan sa Barangay], malilinawan na ang mga kapitan na naghahanap sa satuyang mga lider,” wika ni Kap. Aldave.

Iminungkahi naman niya na gawing mas madalas ang pakikipag-ugnayan sa mga upang mas maintindihan ng mga barangay chairmen ang mga batas at protocol na dapat nilang ipatupad sa kani-kanilang barangay.

“Ipaabot sa mga barangay, maski bako an pisikal na presensiya. Magkaigwa lamang nin way na maramdaman nin mga tawo na sinda [mga lider], gasuporta sa mga tawo kan satuyang isla,” dagdag niya.

 

 



Tags:

Catanduanes Governor Joseph Cua GovernorJosephCua HappyIsland Joseph Cua
This page is maintained by the Governor's Office - Information Unit